پاکستان سپر لیگ سیزن 11 کے اہم مرحلے میں اسلام آباد یونائیٹڈ نے حیدرآباد کنگزمین کے خلاف ٹاس جیت کر پہلے فیلڈنگ کرنے کا فیصلہ کیا ہے۔ یہ میچ نیشنل اسٹیڈیم کراچی میں کھیلا جا رہا ہے، جہاں دونوں ٹیمیں پلے آف مرحلے سے قبل اپنی پوزیشن مستحکم کرنے کے لیے میدان میں اتری ہیں۔
اسلام آباد یونائیٹڈ نے اس اہم مقابلے کے لیے اپنی ٹیم میں دو تبدیلیاں کی ہیں، محمد حسنین اور محمد فائق کو ڈراپ کرتے ہوئے محسن ریاض اور سلمان مرزا کو شامل کیا گیا ہے۔ دوسری جانب حیدرآباد کنگزمین نے بھی ایک تبدیلی کرتے ہوئے آصف محمود کو عاکف جاوید کی جگہ ٹیم کا حصہ بنایا ہے۔
یہ مقابلہ مڈ ٹیبل کی ٹیموں کے لیے انتہائی اہمیت کا حامل ہے، کیونکہ دونوں ٹیموں کے پاس لیگ مرحلے میں اب صرف ایک، ایک میچ باقی ہے۔ ایسے میں آج کی جیت یا شکست براہ راست پلے آف کی دوڑ پر اثر انداز ہو سکتی ہے۔
پوائنٹس ٹیبل پر اسلام آباد یونائیٹڈ 9 پوائنٹس کے ساتھ تیسرے جبکہ حیدرآباد کنگزمین 8 پوائنٹس کے ساتھ چوتھے نمبر پر موجود ہے۔ دونوں ٹیموں نے اب تک 9،9 میچز کھیل کر 4،4 فتوحات حاصل کی ہیں، جس سے اس مقابلے کی اہمیت مزید بڑھ گئی ہے۔
About The Author
