بندر عباس پورٹ کے قریب امریکی فضائی حملوں کے بعد پاسدارانِ انقلاب نے جوابی کارروائی شروع کرنے کا دعویٰ کیا ہے۔
پاسدارانِ انقلاب کے مطابق خطے میں ایک امریکی فضائی اڈے کو نشانہ بنایا گیا، جہاں سے مبینہ طور پر ایران پر حملے کیے گئے تھے۔ ایرانی حکام نے کہا کہ “دشمن جان لے کہ ہر جارحیت کا جواب دیا جائے گا۔”
ایرانی بیان میں خبردار کیا گیا کہ اگر امریکا نے دوبارہ حملہ کیا تو ایران کا ردعمل “زیادہ فیصلہ کن” ہوگا اور اس کے نتائج کی ذمہ داری جارح فریق پر عائد ہوگی۔پاسدارانِ انقلاب نے مزید دعویٰ کیا کہ تین جہازوں کو آبنائے ہرمز میں داخل ہونے سے روک دیا گیا۔
دوسری جانب ایک برطانوی نشریاتی ادارے نے ایرانی قونصل خانے کے حوالے سے رپورٹ کیا کہ ایرانی فوج نے آبنائے ہرمز سے گزرنے والے ایک امریکی آئل ٹینکر پر فائرنگ کی، جس کے بعد جہاز کو واپس جانے پر مجبور ہونا پڑا۔ رپورٹ کے مطابق آئل ٹینکر مبینہ طور پر اپنا ریڈار بند کرکے گزرنے کی کوشش کر رہا تھا۔
ادھر عرب میڈیا کے مطابق امریکی حکام نے دعویٰ کیا ہے کہ امریکی افواج نے تین ایرانی ڈرونز مار گرائے ہیں۔
About The Author
