اعلامیہ کے مطابق عدالتی کارکردگی بڑھانے اور زیر التوا کیسز کے جلد فیصلے کے لیے نیا شیڈول تیار کیا گیا ہے، چیف جسٹس پاکستان کی درخواست اور باہمی مشاورت کے بعد ججز نے بڑا فیصلہ کیا۔
سپریم کورٹ کے ججز نے موسم گرما کی چھٹیوں کے دوران اسلام آباد پرنسپل سیٹ پر کام کا دورانیہ بڑھانے پر رضامندی ظاہر کر دی۔
اعلامیہ کے مطابق ماضی کی روایت کے برعکس، برانچ رجسٹریوں میں ججز کے بیٹھنے کا وقت کم کرنے پر اتفاق کیا گیا۔
ججز کی جانب سے اصل میں حاصل کی جانے والی چھٹیوں کا دورانیہ گزشتہ برسوں کی طرح 4 ہفتے ہی رہے گا۔
اعلامیہ کے مطابق نئے انتظامات کا مقصد چھٹیوں کے دوران بھی ججز کی دستیابی اور کیسز کی بلاتعطل سماعت کو یقینی بنانا ہے۔
About The Author
