اسرائیلی وزیر اعظم Benjamin Netanyahu نے دعویٰ کیا ہے کہ حالیہ ایران-اسرائیل کشیدگی کے دوران ایران کو بھاری نقصان اٹھانا پڑا ہے اور موجودہ ایرانی نظام اب اپنی سابقہ حالت میں واپس نہیں جا سکے گا۔
سوشل میڈیا پلیٹ فارم ایکس پر جاری اپنے بیان میں اسرائیلی وزیراعظم نے کہا کہ ایران پہلے ہی ایک بہت بڑی قیمت ادا کر چکا ہے اور اس تنازع کے نتیجے میں ایرانی نظام کی بنیادیں متاثر ہوئی ہیں۔ ان کا کہنا تھا کہ ایران میں موجود حکومتی ڈھانچہ شدید دباؤ کا شکار ہے اور اس کے مستقبل کے حوالے سے سنگین سوالات جنم لے چکے ہیں۔
نیتن یاہو نے مزید کہا کہ موجودہ ایرانی حکومت دوبارہ پہلے جیسی مضبوط پوزیشن حاصل نہیں کر سکے گی اور اس کے زوال کا عمل ناگزیر دکھائی دیتا ہے۔ انہوں نے دعویٰ کیا کہ حالیہ واقعات نے ایران کی سیاسی اور سکیورٹی صلاحیتوں پر گہرے اثرات مرتب کیے ہیں۔
اسرائیلی وزیراعظم کا یہ بیان ایسے وقت میں سامنے آیا ہے جب ایران اور اسرائیل کے درمیان حالیہ کشیدگی کے بعد خطے میں جنگ بندی اور سفارتی رابطوں کی مختلف اطلاعات گردش کر رہی ہیں۔ دوسری جانب ایرانی حکام متعدد مواقع پر یہ مؤقف اختیار کر چکے ہیں کہ حالیہ تنازع کے باوجود ملک کی دفاعی اور عسکری صلاحیتیں برقرار ہیں۔
About The Author
