وفاقی کابینہ نے نیشنل ویکسین پالیسی کی منظوری دی، جس سے ملک میں ویکسین سازی اور عالمی معیار کے مطابق پیداوار کی راہ ہموار ہوئی۔
نیشنل بلڈ ٹرانسفیوژن پالیسی کے تحت خون کی حفاظت اور پلازما کی پیداوار کے نظام کو مزید مؤثر بنایا گیا، جبکہ عام استعمال کی ادویات کی قیمتوں میں نرمی کے باعث مارکیٹ میں ادویات کی دستیابی بہتر ہوئی۔
پاکستان کو میڈیکل ٹورازم کا مرکز بنانے کے منصوبے کا آغاز بھی کیا گیا تاکہ بیرون ملک سے مریض علاج کیلئے پاکستان کا رخ کریں، ڈریپ کی سینٹرل ڈرگ ٹیسٹنگ لیب کو ڈبلیو ایچ او کی منظوری ملنے سے پاکستانی ادویات پر عالمی اعتماد میں اضافہ ہوا، ہیلتھ ٹیک، ٹیلی میڈیسن اور غیر ملکی سرمایہ کاری کے نئے مواقع بھی پیدا ہوئے۔
ایس آئی ایف سی کے تعاون سے پاکستان ایسوسی ایشن آف پلاسٹک سرجنز کی 30 ویں سالانہ بین الاقوامی کانفرنس کا انعقاد کیا گیا، جبکہ 2025 میں صحت کے شعبے کا منافع 78 فیصد اضافے کے ساتھ 42.2 ارب روپے کی ریکارڈ سطح تک پہنچ گیا۔
About The Author
