فیفا ورلڈ کپ 2026 میں ایک غیر معمولی صورتحال اس وقت سامنے آئی جب ٹورنامنٹ کی مشترکہ میزبان تینوں ٹیمیں امریکا، کینیڈا اور میکسیکو پری کوارٹر فائنل مرحلے سے آگے نہ بڑھ سکیں اور ٹائٹل جیتنے کا ان کا خواب ختم ہو گیا۔
ورلڈ کپ کی میزبانی مشترکہ طور پر کرنے والے تینوں ممالک مختلف مقابلوں میں شکست کھا کر ناک آؤٹ مرحلے سے باہر ہو گئے، جس کے بعد پہلی بار ایسا منظر دیکھنے میں آیا کہ تمام میزبان ٹیمیں ایک ہی مرحلے میں ایونٹ سے رخصت ہوئیں۔
امریکا کو پری کوارٹر فائنل میں بیلجیئم کے ہاتھوں بھاری شکست کا سامنا کرنا پڑا۔ میزبان ٹیم اس میچ سے قبل اس وقت خبروں کی زینت بنی تھی جب امریکی صدر ڈونلڈ ٹرمپ کی درخواست پر امریکی کھلاڑی بیلوگن کی معطلی ختم کیے جانے کے فیصلے پر تنازع کھڑا ہوا۔ تاہم یہ فیصلہ بھی امریکی ٹیم کو شکست سے نہ بچا سکا اور وہ بڑے مارجن سے ٹورنامنٹ سے باہر ہو گئی۔
اس سے قبل کینیڈا پری کوارٹر فائنل میں مراکش کے خلاف 3-0 کی واضح شکست کے بعد ایونٹ سے باہر ہونے والی پہلی میزبان ٹیم بنی۔
دوسری جانب میکسیکو نے انگلینڈ کے خلاف سخت مقابلہ کیا، تاہم انگلش ٹیم نے 3-2 سے کامیابی حاصل کرتے ہوئے کوارٹر فائنل میں جگہ بنا لی، جبکہ میکسیکو کا سفر بھی اختتام پذیر ہو گیا۔
About The Author
