دبئی : صدر مملکت آصف علی زرداری کا گزشتہ رات دبئی ایئرپورٹ پہنچنے پر جہاز سے اترتے ہوئے پاؤں میں فریکچر ہوگیا۔
ایوانِ صدر ترجمان نے بتایا کہ صدر آصف علی زرداری کو فوری طور پر ابتدائی طبی امداد کیلیے اسپتال منتقل کیا گیا، ڈاکٹرز نے چیک اپ کے بعد اسپتال میں ان کے پاؤں پر پلاستر کر دیا۔
ترجمان نے بتایا کہ آصف علی زرداری کے پاؤں پر 4 ہفتے کیلیے پلاستر کیا گیا ہے، ان کو گھر منتقل کر دیا گیا، معالجین نے مکمل آرام کا مشورہ دیا ہے۔
یاد رہے کہ صدر مملکت نجی دورے پر دبئی روانہ ہوئے ہیں جہاں وہ دو دن قیام کریں گے۔ ان کی غیر موجودگی میں چیئرمین سینیٹ یوسف رضا گیلانی نے قائم مقام صدر کی ذمہ داریاں سنبھال لیں۔
About The Author
