برمنگھم ٹیسٹ کے ہیرو رضا اللہ کی وطن واپسی، مردان میں شاندار استقبال -

برمنگھم ٹیسٹ میں شاندار کارکردگی دکھانے والے رضا اللہ وطن واپس پہنچ گئے۔مردان کے نوجوان فاسٹ بولر کا اسلام آباد ایئرپورٹ پر پُرجوش استقبال کیا گیا۔رشتہ داروں، دوستوں اور اہلِ علاقہ نے رضا اللہ کا استقبال کیا۔اس موقع پر انہیں پھولوں کے ہار پہنائے گئے۔ایئرپورٹ پاکستان زندہ باد کے نعروں سے گونج اٹھا۔

بعد ازاں رضا اللہ کو جلوس کی شکل میں منصب کلی لے جایا گیا۔یہ ان کا آبائی علاقہ ہے۔

ایم پی اے افتخار علی مشوانی سمیت شہریوں نے ان کا استقبال کیا۔ڈھول کی تھاپ پر رضا اللہ کو گھر لے جایا گیا۔ان کے اعزاز میں ایک خصوصی تقریب بھی منعقد کی گئی۔

تقریب سے خطاب کرتے ہوئے رضا اللہ نے اپنی کامیابی پر خوشی کا اظہار کیا۔انہوں نے کہا کہ یہ کامیابی صرف ان کی نہیں ہے۔ان کے مطابق یہ پورے مردان اور پاکستان کی کامیابی ہے۔رضا اللہ نے قومی ٹیم کے لیے بھی عزم کا اظہار کیا۔انہوں نے کہا کہ آئندہ اس سے بھی بہتر کارکردگی دکھانے کی کوشش کریں گے۔