یمن میں سرکاری فورسز نے حوثیوں کے خلاف کارروائیوں میں اہم پیش رفت کا دعویٰ کیا ہے۔ یمنی حکومتی فورسز کے مطابق ذوباب اور باب المندب میں کئی اسٹریٹجک مقامات کا کنٹرول دوبارہ حاصل کر لیا گیا ہے۔
یمنی فورسز کا کہنا ہے کہ حوثیوں کے خلاف 1122 حملوں کے دوران 1747 جنگجو ہلاک ہوئے۔ ذوباب میں موجود حوثی عناصر سے ہتھیار ڈالنے کا مطالبہ بھی کیا گیا ہے۔
یمنی حکومتی فورسز کے مطابق کارروائی کے دوران ذوباب اور آبنائے باب المندب کے قریب اہم اسٹریٹجک مقامات پر دوبارہ کنٹرول حاصل کیا گیا۔باب المندب عالمی تجارت کے لیے ایک اہم بحری راستہ ہے۔ یہ بحیرہ احمر کو خلیج عدن سے ملاتا ہے۔
سعودی اتحاد کے مطابق یمن میں حوثیوں کے خلاف فجر الیمن کے نام سے بڑے پیمانے پر فوجی آپریشن جاری ہے۔اتحاد کے مطابق آپریشن میں 100 فائٹر جیٹس نے حصہ لیا۔ کارروائی کے دوران 324 اہم اہداف کو نشانہ بنایا گیا۔
سعودی اتحاد کا کہنا ہے کہ باب المندب کے لیے فضائی تحفظ فراہم کیا جا رہا ہے۔ اتحاد یمن میں موجود زمینی فورسز کو فضائی مدد بھی فراہم کر رہا ہے۔یمنی حکومتی فورسز اور سعودی اتحاد کے یہ دعوے جنگی صورتحال سے متعلق ہیں۔ ان اعداد و شمار کی آزاد ذرائع سے مکمل تصدیق نہیں ہوئی۔
About The Author
