اقوام متحدہ کے سیکریٹری جنرل انتونیو گوتریس نے بدھ کو فارن سروس اکیڈمی کا دورہ کیا۔ نائب وزیراعظم اور وزیر خارجہ سینیٹر محمد اسحاق ڈار نے ان کا استقبال کیا۔
وزارت خارجہ کے ترجمان کے مطابق انتونیو گوتریس نے اکیڈمی کی مہمانوں کی کتاب میں اپنے تاثرات درج کیے۔
انتونیو گوتریس نے اسلام آباد میں سفارتی برادری سے خطاب کیا۔ انہوں نے پاکستان کی فارن سروس کے نوجوان سفارت کاروں سے بھی گفتگو کی۔
اقوام متحدہ کے سیکریٹری جنرل نے اپنے خطاب میں عالمی سفارت کاری سے متعلق امور پر اظہار خیال کیا۔ ان کی گفتگو میں نوجوان سفارت کاروں کے کردار کو بھی اہمیت حاصل رہی۔
انتونیو گوتریس پاکستان کے دورے پر ہیں۔ ان کے دورے میں پاکستانی قیادت اور حکام سے ملاقاتیں بھی شامل ہیں۔اقوام متحدہ کے سیکریٹری جنرل کا دورہ پاکستان کے ساتھ عالمی ادارے کے تعاون اور سفارتی روابط کے تناظر میں اہم ہے۔
About The Author
