جوڈیشل کمیشن نے اسلام آباد ہائیکورٹ کے 2 جبکہ بلوچستان ہائیکورٹ کے 3 ایڈیشنل ججز کی تعیناتی کے لیے ناموں پر اتفاق کرلیا ۔ اسلام آباد ہائیکورٹ کے مزید 2 ناموں کے لیے ایک مرتبہ پھرغور کیا جائے گا۔۔
اسلام آباد اور بلوچستان ہائیکورٹس میں ایڈیشنل ججز کی تعیناتی،،،،،چیف جسٹس پاکستان یحیٰی آفریدی کی زیر صدارت جوڈیشل کمیشن کے دو اجلاس،،،، اسلام آباد ہائیکورٹ کے لیے دو، بلوچستان ہائیکورٹ کے لیے تین ناموں پر اتفاق کرلیا گیا۔۔
اعلامیے کے مطابق پہلے اجلاس میں اسلام آباد ہائیکورٹ میں 4 ایڈیشنل ججز کی تعیناتی پر غور کیا گیا
اسلام آباد ہائیکورٹ میں ایڈیشنل ججز کیلئے چار میں سے 2 ناموں ڈسٹرکٹ اینڈ سیشن جج اعظم خان اور ایڈووکیٹ راجہ انعام امین منہاس پر اتفاق کرلیا گیاہے۔۔۔ اکثریت حاصل نہ ہونے والے دیگر ناموں پر دوبارہ غور کیا جاسکتا ہے۔
دوسرے اجلاس میں بلوچستان ہائیکورٹ میں 3 ایڈیشنل ججز کی تعیناتی پر غور ہوا۔۔۔ کمیشن نے ایڈیشنل ججز بلوچستان ہائیکورٹ کیلئے محمد آصف ریکی،نجم الدین مینگل اور محمد ایوب کے ناموں کی متفقہ طور پر سفارش کر دی ۔ ۔
ذرائع کے مطابق اسلام آباد ہائیکورٹ میں4 ایڈیشنل ججز کی تعیناتی کیلئے 20 ناموں پر جبکہ بلوچستان ہائیکورٹ میں 3 ایڈیشنل ججز کے لیے 11 ناموں پر غور کیا گیا۔۔
