گرین لینڈ کے حالیہ انتخابات نے ملک کے سیاسی منظر نامے میں بڑی تبدیلیاں پیدا کر دی ہیں، جہاں آزادی کے حامی دو بڑے دھڑوں نے نمایاں کامیابی حاصل کی ہے۔ سنٹر رائٹ ڈیموکریٹ پارٹی نے 30 فیصد ووٹ حاصل کیے، جب کہ زیادہ بنیاد پرست نالریک پارٹی 25 فیصد ووٹ لے کر دوسری بڑی جماعت بن کر ابھری۔
کسی بھی جماعت کو واضح اکثریت نہ ملنے کے باعث اتحادی حکومت کے قیام کے لیے مذاکرات جاری ہیں۔ ڈیموکریٹ پارٹی کے رہنما جینز فریڈرک نیلسن نے گرین لینڈ کی مکمل خودمختاری کے لیے محتاط حکمت عملی اپنانے پر زور دیا اور کہا، "ہم کل آزادی نہیں چاہتے، بلکہ ایک مضبوط بنیاد چاہتے ہیں۔”
اس کے برعکس، نالریک پارٹی کی قیادت ڈنمارک سے تیز تر علیحدگی کے حق میں ہے اور امریکی سرمایہ کاری کو اقتصادی ترقی کے لیے ایک موقع کے طور پر دیکھتی ہے۔
امریکا، ڈنمارک اور گرین لینڈ کی بدلتی سیاست
گرین لینڈ کی آزادی کے لیے وسیع حمایت کے باوجود، امریکا کی طرف سے اس علاقے کے حصول کی سابقہ کوششوں کو سخت مزاحمت کا سامنا رہا ہے۔ امریکی صدر ڈونلڈ ٹرمپ کے اس بیان کہ "امریکہ گرین لینڈ کو قومی سلامتی کے مفادات میں محفوظ بنائے گا،” پر ردعمل دیتے ہوئے نیلسن نے واضح کیا، "ہم فروخت کے لیے نہیں ہیں۔”
About The Author
