مون سون بارشوں اور گلیشئر پگھلنے سے دریاؤں میں پانی کا بہاؤ بڑھ گیا،دریائے سندھ میں نچلے درجے کا سیلاب

پرونشیل ڈیزاسٹر منیجمنٹ اتھارٹی نے کہا ہے کہ مون سون بارشوں اور گلیشئیر پگھلنے کے باعث دریاؤں کے بہاؤ میں اضافہ ہو رہا ہے۔۔ دریائے سندھ میں تربیلا کالاباغ اور چشمہ کے مقام پر نچلے درجے کا سیلاب ہے۔۔ تونسہ کے مقام پر درمیانے درجے کا سیلاب ہے۔

تربیلا کے مقام پر پر پانی کی آمد 3 لاکھ 9 ہزار جبکہ اخراج 2 لاکھ 66 ہزار کیوسک ہے۔۔ تونسہ کے مقام پر پر پانی کی آمد 4 لاکھ 47 ہزار جبکہ اخراج 4 لاکھ 41 ہزار ریکارڈ کیا گیا۔

کالاباغ کے مقام پر پر پانی کی آمد 3 لاکھ جبکہ اخراج 2 لاکھ 93 ہزار کیوسک ہے۔۔ چشمہ کے مقام پر پر پانی کی آمد 3 لاکھ 72 ہزار جبکہ اخراج 3 لاکھ 57 ہزار کیوسک رہا۔۔

دریائے چناب راوی، جہلم اور ستلج میں پانی کا بہاؤ فی الحال نارمل لیول پر ہے۔۔

پی ڈی ایم اے کے مطابق بارشوں کے باعث پنجاب کے بڑے دریاؤں اور ان سے ملحقہ ندی نالوں میں طغیانی کا خدشہ ہے۔۔ آئیندہ 24 گھنٹوں میں پانی کی سطح میں اضافے کا خدشہ ہے۔

ریلیف کمشنر پنجاب نبیل جاوید نے متعلقہ انتظامیہ کو الرٹ رہنے کی ہدایات کی ہے۔۔ پی ڈی ایم اے کنٹرول روم اور ڈسٹرکٹ ایمرجنسی آپریشن سنٹرز 24/7 صورتحال کو مانیٹر کر رہے ہیں۔۔ ممکنہ بارشوں و سیلاب کے پیش نظر کمشنرز و ڈپٹی کمشنرز فیلڈ میں موجود رہیں۔