ٹورنٹو – پاکستان کے نوجوان سکواش اسٹار نور زمان نے ٹورنٹو اوپن سکواش ٹورنامنٹ 2025 میں شاندار آغاز کرتے ہوئے پہلے ہی راؤنڈ میں کامیابی حاصل کر لی۔
نور زمان نے مصر کے عبدالرحمٰن نصر کو سخت مقابلے کے بعد 3-1 سے شکست دی۔ پاکستانی کھلاڑی نے عمدہ کارکردگی کا مظاہرہ کرتے ہوئے سیٹ اسکور 11-6، 5-11، 11-8، 11-4 سے میچ اپنے نام کیا۔
اس کامیابی کے ساتھ نور زمان نے پری کوارٹر فائنل میں جگہ بنا لی ہے اور وہ ایونٹ میں پاکستان کی جانب سے مضبوط دعوےدار کے طور پر ابھرے ہیں۔
دوسری جانب پاکستانی کھلاڑی اشعب عرفان کو پہلے راؤنڈ میں بائی (Bye) ملنے کے باعث وہ براہِ راست دوسرے مرحلے میں پہنچ گئے۔
یہ ٹورنامنٹ پی ایس اے ورلڈ ٹور (PSA World Tour) کا حصہ ہے، جس کی مجموعی انعامی رقم 41 ہزار 250 امریکی ڈالرز مقرر کی گئی ہے۔
