تہران – ایرانی عدلیہ کے سربراہ غلام حسین محسنی نے ملک میں جاری مظاہروں اور فسادی عناصر کے خلاف قانون کے مطابق سخت کارروائی کے احکامات جاری کیے ہیں۔
ایرانی خبر رساں ایجنسی کے مطابق محسنی نے اٹارنی جنرل اور پراسیکیوٹرز کو ہدایت دی ہے کہ وہ قانون کے دائرے میں رہتے ہوئے فسادیوں اور ان کے حمایتیوں کے خلاف سخت اقدامات کریں اور کسی قسم کی نرمی یا رعایت نہ دکھائیں۔ انھوں نے واضح کیا کہ مظاہرین اور ان کے جائز سیاسی مطالبات میں فرق ہوتا ہے، اور قانون صرف فساد پھیلانے والوں پر لاگو ہوگا۔
واضح رہے کہ ایران میں مہنگائی کے خلاف احتجاجی تحریک 30 دسمبر سے جاری ہے اور اب تک ملک کے 25 صوبوں میں مظاہرے دیکھے گئے ہیں۔ ان مظاہروں کے دوران کم از کم 12 افراد ہلاک ہو چکے ہیں، جبکہ احتجاجات اب دوسرے ہفتے میں داخل ہو گئے ہیں۔
یہ اقدام ایسے وقت میں سامنے آیا ہے جب حکومت مظاہرین کے خلاف اپنے کنٹرول کو مضبوط کرنے کے لیے قانونی اور انتظامی سطح پر اقدامات کر رہی ہے۔
About The Author
