ٹی ٹوئنٹی ورلڈ کپ کے چوتھے میچ میں افغانستان نے نیوزی لینڈ کے خلاف ٹاس جیت کر پہلے بیٹنگ کرنے کا فیصلہ کیا ہے۔ گروپ ڈی کا یہ مقابلہ بھارتی شہر چنئی میں کھیلا جا رہا ہے، جہاں دونوں ٹیمیں ایونٹ میں اپنی مہم کا آغاز کر رہی ہیں۔
افغان کپتان نے ٹاس کے بعد گفتگو کرتے ہوئے کہا کہ پچ بیٹنگ کے لیے سازگار دکھائی دے رہی ہے اور ٹیم بڑا اسکور کر کے دباؤ ڈالنے کی کوشش کرے گی، جبکہ نیوزی لینڈ کی ٹیم مضبوط بیٹنگ اور متوازن بولنگ کے ساتھ میدان میں اتری ہے۔
واضح رہے کہ آئی سی سی ٹی ٹوئنٹی ورلڈ کپ میں 20 ٹیموں کو چار گروپس میں تقسیم کیا گیا ہے۔ ایونٹ کے پہلے روز تین میچز کھیلے گئے، جن میں گروپ اے کے مقابلے میں پاکستان نے نیدرلینڈز کو شکست دے کر فاتحانہ آغاز کیا۔
کرکٹ شائقین کی نظریں اب افغانستان اور نیوزی لینڈ کے اس اہم گروپ میچ پر مرکوز ہیں، جس کے نتیجے سے گروپ ڈی کی صورتحال پر نمایاں اثر پڑنے کا امکان ہے۔
About The Author
