ریاض – سعودی عرب کی وزارتِ ثقافت نے اعلان کیا ہے کہ 2029 کو برطانیہ کے محکمہ ثقافت، میڈیا اور سپورٹس کے تعاون سے ’سعودی برطانوی ثقافتی سال‘ قرار دیا گیا ہے۔ یہ اعلان شہزادہ ولیم کے سعودی عرب کے پہلے سرکاری دورے کے دوران کیا گیا۔
سعودی خبر رساں ادارے ایس پی اے کے مطابق یہ اقدام دونوں ممالک کے مضبوط تاریخی تعلقات کی عکاسی کرتا ہے، جن کی بنیاد ایک صدی سے زائد پر محیط سفارتی روابط میں ہے۔
حالیہ برسوں میں ثقافتی تبادلہ سعودی برطانوی تعلقات کا اہم ستون بن چکا ہے، جس میں تحفظِ ورثہ، ویژوئل اور کلنری آرٹس، فنِ تعمیر اور اعلیٰ تعلیم میں مشترکہ اقدامات شامل ہیں۔
مشترکہ ثقافتی سال کے دوران مختلف تقریبات، تخلیقی مکالمے اور پروگرام منعقد کیے جائیں گے، جو دونوں ممالک کے درمیان ثقافتی ورثے کی حفاظت اور فروغ میں معاون ہوں گے۔
یہ اقدام مملکت کے وژن 2030 کے اہداف کے مطابق ثقافتی شعبے میں دوطرفہ تعلقات کو مزید مضبوط کرنے کا موقع فراہم کرے گا۔
About The Author
