United Arab Emirates نے کہا ہے کہ اس کے فضائی دفاعی نظام نے Iran کی جانب سے داغے گئے متعدد میزائل اور ڈرونز کو فضا میں ہی تباہ کر دیا ہے۔
اماراتی وزارتِ دفاع کے حکام کے مطابق ملک کے فضائی دفاعی نظام نے 9 بیلسٹک میزائل اور 109 ڈرونز کو کامیابی سے روک کر تباہ کیا، جبکہ تین ڈرونز اماراتی حدود کے اندر گرنے کی تصدیق ہوئی ہے۔
حکام کا کہنا ہے کہ مجموعی طور پر 112 ڈرونز کی نشاندہی کی گئی تھی جن میں سے 109 کو فضا میں ہی مار گرایا گیا، جبکہ تین ڈرونز اماراتی سرزمین پر گرے۔
وزارتِ دفاع کے مطابق ایرانی حملوں کے آغاز سے اب تک مجموعی طور پر 205 بیلسٹک میزائل داغے گئے جن میں سے 190 کو اماراتی دفاعی نظام نے تباہ کر دیا۔ باقی میزائلوں میں سے 13 سمندر میں جبکہ 2 اماراتی حدود میں گرے۔
اسی طرح اب تک 1184 ایرانی ڈرونز کی نشاندہی کی جا چکی ہے، جن میں سے 1110 کو فضائی دفاعی نظام نے تباہ کیا جبکہ 74 ڈرونز اماراتی علاقوں میں گرے۔ مزید یہ کہ 8 کروز میزائل بھی فضا میں نشانہ بنا کر تباہ کیے گئے۔
اماراتی وزارتِ دفاع کے مطابق حملوں کے نتیجے میں مختلف قومیتوں سے تعلق رکھنے والے افراد متاثر ہوئے۔ ابتدائی اطلاعات کے مطابق Pakistan، Nepal اور Bangladesh سے تعلق رکھنے والے تین افراد جاں بحق ہوئے جبکہ مختلف قومیتوں کے 112 افراد معمولی زخمی ہوئے ہیں۔
اماراتی حکام کا کہنا ہے کہ دفاعی نظام مسلسل فعال ہے اور کسی بھی ممکنہ خطرے سے نمٹنے کے لیے تمام ضروری اقدامات کیے جا رہے ہیں۔
About The Author
