ایرانی صدر Masoud Pezeshkian نے کہا ہے کہ ایران نے موجودہ جنگ کا آغاز نہیں کیا اور اپنی سرزمین کا دفاع ہر ملک کا بنیادی حق ہے۔
فرانسیسی صدر Emmanuel Macron سے گفتگو میں انہوں نے واضح کیا کہ ایران اپنی خودمختاری کے تحفظ کے لیے مکمل دفاعی صلاحیت رکھتا ہے اور کسی بھی جارحیت کا مؤثر جواب دینے کی پوزیشن میں ہے۔
ایرانی صدر نے خطے میں موجود امریکی فوجی اڈوں پر تنقید کرتے ہوئے کہا کہ ان اڈوں کو ایران کے خلاف استعمال کیا جا رہا ہے، جس سے ہمسایہ ممالک کے ساتھ تعلقات کو نقصان پہنچانے کی کوشش ہو رہی ہے۔ انہوں نے کہا کہ صیہونی اور امریکی حملوں کو نظر انداز کر کے خطے میں امن قائم نہیں کیا جا سکتا۔
مسعود پزشکیان نے زور دیا کہ ایران کسی بھی قسم کی دھونس یا دباؤ کے آگے سرنڈر نہیں کرے گا اور عالمی برادری کو ایران پر حملوں کی مذمت کرنی چاہیے۔ انہوں نے مطالبہ کیا کہ حملہ آوروں کو بین الاقوامی قوانین کا احترام کرنے پر مجبور کیا جائے۔
انہوں نے مزید کہا کہ جب تک آئندہ حملوں کو روکنے کی واضح ضمانت نہیں دی جاتی، جنگ کے خاتمے کی بات بے معنی ہے۔
یہ بیان خطے میں جاری کشیدگی کے تناظر میں ایران کے سخت مؤقف اور دفاعی حکمت عملی کی عکاسی کرتا ہے۔
About The Author
