United States نے ایرانی تیل کی فروخت کے حوالے سے عارضی نرمی کا اعلان کرتے ہوئے محدود مدت کے لیے ایک خصوصی لائسنس جاری کر دیا ہے، جس کے تحت پہلے سے جہازوں پر لوڈ تیل کی فروخت کی اجازت دی گئی ہے۔
امریکی محکمہ خزانہ کے مطابق یہ نیا لائسنس 19 اپریل تک مؤثر رہے گا اور اس کا مقصد مخصوص حالات میں توانائی کی سپلائی کو منظم رکھنا ہے۔ حکام کا کہنا ہے کہ اس اقدام کے تحت صرف وہی تیل فروخت کیا جا سکے گا جو پہلے ہی بحری جہازوں پر منتقل ہو چکا ہے، نئی برآمدات اس دائرہ کار میں شامل نہیں ہوں گی۔
دوسری جانب Iran نے اس فیصلے کو تنقید کا نشانہ بناتے ہوئے کہا ہے کہ پابندیوں میں نرمی کا تاثر دراصل خریدار ممالک کو وقتی امید دلانے کی کوشش ہے۔ ایرانی حکام کے مطابق جب تک مکمل پابندیاں ختم نہیں کی جاتیں، اس طرح کے اقدامات عملی طور پر زیادہ مؤثر ثابت نہیں ہوں گے۔
ماہرین کے مطابق یہ پیش رفت ایسے وقت میں سامنے آئی ہے جب عالمی توانائی منڈی غیر یقینی صورتحال سے دوچار ہے اور مشرقِ وسطیٰ میں کشیدگی کے باعث تیل کی رسد اور قیمتوں پر دباؤ بڑھ رہا ہے۔ اس عارضی ریلیف کو بعض تجزیہ کار ایک محدود سفارتی اشارہ قرار دے رہے ہیں، جو ممکنہ مذاکرات یا کشیدگی میں کمی کی راہ ہموار کرنے کی کوشش ہو سکتی ہے۔
About The Author
