Islamic Revolutionary Guard Corps (پاسدارانِ انقلاب) نے اعلان کیا ہے کہ ایران پر حملوں کے جواب میں خطے میں موجود امریکی کمپنیوں کو نشانہ بنایا جائے گا۔
ایرانی میڈیا کے مطابق پاسدارانِ انقلاب نے کہا ہے کہ یکم اپریل سے ایرانی وقت کے مطابق رات 8 بجے ان کارروائیوں کا آغاز ہوگا، اور خطے میں موجود امریکی کمپنیوں کو براہ راست اہداف بنایا جائے گا۔ بیان میں یہ بھی کہا گیا کہ ایران کے خلاف ہونے والے ہر “دہشت گرد حملے” کے جواب میں ان کمپنیوں کو نشانہ بنایا جائے گا اور ان کے یونٹس کو تباہی کا سامنا کرنا پڑ سکتا ہے۔
دوسری جانب امریکی وزیر جنگ Pete Hegseth نے کہا ہے کہ امریکا کے پاس ایران کے مقابلے میں زیادہ آپشنز موجود ہیں جبکہ ایران کے پاس محدود امکانات ہیں۔ ان کے مطابق آنے والے دن جنگ کے حوالے سے فیصلہ کن ہوں گے اور امریکا ایران کے اندر اور اس کی فضائی حدود میں کارروائیاں جاری رکھے ہوئے ہے۔
انہوں نے یہ بھی دعویٰ کیا کہ گزشتہ 24 گھنٹوں کے دوران ایران کی جانب سے میزائل حملوں میں کمی آئی ہے۔
ان بیانات کے تبادلے کے بعد خطے میں کشیدگی مزید بڑھ گئی ہے، جبکہ عالمی سطح پر صورتحال پر گہری نظر رکھی جا رہی ہے کیونکہ کسی بھی بڑے تصادم کے امکانات علاقائی سلامتی اور عالمی معیشت پر اثر انداز ہو سکتے ہیں۔
About The Author
