پاکستان سپر لیگ (PSL) سیزن 11 کا دوسرا مرحلہ 8 اپریل سے Karachi میں شروع ہوگا، جہاں لیگ کے اہم میچز کھیلے جائیں گے۔
کراچی میں شیڈول 22 میچز میں شرکت کے لیے ٹیموں کی آمد کا سلسلہ شروع ہو چکا ہے۔ Peshawar Zalmi اور Hyderabad Kingsmen 2 اپریل کو کراچی پہنچ چکی ہیں، جبکہ Lahore Qalandars اور Karachi Kings 4 اپریل کو شہر میں پہنچیں گی۔
اسی طرح Quetta Gladiators اور Islamabad United کی ٹیمیں 6 اپریل جبکہ Multan Sultans سمیت دیگر اسکواڈز 7 اپریل کو کراچی پہنچیں گے۔
دوسری جانب میچز سے قبل ٹیموں کے تربیتی سیشنز کا آغاز بھی ہو چکا ہے۔ گزشتہ روز بارش سے متاثرہ National Stadium Karachi کے حنیف محمد ہائی پرفارمنس سینٹر گراؤنڈ پر Hyderabad Kingsmen نے ٹریننگ کا آغاز کیا، جہاں کھلاڑیوں نے گیلی آؤٹ فیلڈ کے باعث محتاط انداز میں پریکٹس کی۔
شیڈول کے مطابق 4 اپریل کو Peshawar Zalmi ٹریننگ کرے گی، جبکہ 5 اپریل کو صبح کے سیشن میں Hyderabad Kingsmen اور پشاور زلمی حصہ لیں گی۔ اسی روز دوپہر میں Karachi Kings اور Lahore Qalandars اپنی تیاریاں کریں گی۔
6 اپریل کو کراچی کنگز اور لاہور قلندرز دوپہر میں ٹریننگ سیشن میں شریک ہوں گی، جبکہ 7 اپریل کو حیدرآباد کنگزمین اور پشاور زلمی رات کے وقت پریکٹس کریں گی۔
8 اپریل کو صبح کے سیشن میں لاہور قلندرز، Islamabad United اور کراچی کنگز حصہ لیں گی، جبکہ اسی روز شام 7 بجے لیگ کے 15ویں میچ میں حیدرآباد کنگزمین اور پشاور زلمی مدِ مقابل ہوں گے۔
پی ایس ایل کے اس مرحلے کے آغاز کے ساتھ ہی شائقین کرکٹ کو کراچی میں ایک بار پھر سنسنی خیز اور دلچسپ مقابلے دیکھنے کو ملیں گے۔
About The Author
