ایرانی میڈیا نے دعویٰ کیا ہے کہ Al Jubail میں واقع ایک اہم تیل تنصیب پر شدید آگ بھڑک اٹھی ہے، جس کے شعلے میلوں دور سے دکھائی دینے اور دھوئیں کے گھنے بادل فضا میں پھیلنے کی اطلاعات ہیں۔ تاہم آگ لگنے کی اصل وجہ فوری طور پر واضح نہیں کی گئی۔
دوسری جانب سعودی حکام نے اس حوالے سے وضاحت کرتے ہوئے کہا ہے کہ مشرقی علاقے کی جانب داغے گئے سات بیلسٹک میزائلوں کو ایئر ڈیفنس سسٹم نے فضا میں ہی تباہ کر دیا۔ سرکاری بیان کے مطابق ان میزائلوں کا ملبہ ایک توانائی تنصیب پر گرا، جس کے نتیجے میں کچھ نقصان ہوا، تاہم اس کی نوعیت اور شدت کا جائزہ لیا جا رہا ہے۔
سعودی وزارت دفاع کے مطابق بروقت دفاعی کارروائی کے باعث بڑے پیمانے پر تباہی کو روکا گیا، جبکہ سیکیورٹی ادارے صورتحال پر مکمل کنٹرول میں ہیں۔
تاحال اس واقعے کی آزاد ذرائع سے مکمل تصدیق سامنے نہیں آئی، جبکہ دونوں جانب سے آنے والی معلومات میں فرق پایا جاتا ہے۔ ماہرین کے مطابق یہ پیش رفت خطے میں جاری کشیدگی کے تناظر میں نہایت حساس ہے اور توانائی کے بنیادی ڈھانچے کو لاحق خطرات عالمی منڈیوں پر بھی اثر انداز ہو سکتے ہیں۔
About The Author
