آئی ایم ایف نے خبردار کیا ہے کہ ایران جنگ کے باعث پیدا ہونے والا بحران عالمی معیشت، مہنگائی اور سپلائی چین کو متاثر کر سکتا ہے، غریب ممالک زیادہ خطرے میں ہیں۔
آئی ایم ایف کی سربراہ Kristalina Georgieva نے اپنے بیان میں کہا ہے کہ کم آمدنی والے اور تیل درآمد کرنے والے ممالک اس بحران سے سب سے زیادہ متاثر ہو رہے ہیں۔
انہوں نے کہا کہ جنگ سے پیدا ہونے والے منفی سپلائی جھٹکے عالمی معیشت پر دباؤ بڑھا سکتے ہیں، جس کے نتیجے میں مہنگائی میں اضافہ اور معاشی غیر یقینی صورتحال پیدا ہو سکتی ہے۔
Kristalina Georgieva کے مطابق مرکزی بینکوں کو مہنگائی کے بڑھتے ہوئے خطرات پر قریبی نظر رکھنی چاہیے، جبکہ حکومتوں کو محدود مالی وسائل دانشمندی سے استعمال کرتے ہوئے معاشی دباؤ کم کرنے کی کوشش کرنی چاہیے۔
تجزیہ کاروں کے مطابق مشرقِ وسطیٰ میں کشیدگی اور توانائی کی سپلائی میں کسی بھی خلل کا براہِ راست اثر عالمی منڈیوں، تیل کی قیمتوں اور ترقی پذیر معیشتوں پر پڑ سکتا ہے۔
About The Author
