ڈیرہ غازی خان میں نجی اسکول کی چھت گرنے سے 3 بچے جاں بحق جبکہ خواتین اساتذہ سمیت 15 بچے زخمی ہوگئے۔
ریسکیو حکام کےمطابق ڈیرہ غازی خان کے علاقے پاکستانی چوک کے قریب واقع نجی اسکول کی عمارت کی چھت گر گئی جس سے ملبے تلے دب کر تین بچے جاں بحق جبکہ پندرہ بچوں کو زندہ نکال لیا گیا اور 9 بچوں سمیت دیگر کو زخمی حالت میں اہسپتال منتقل کر دیا گیا جہاں ڈاکٹروں کے مطابق تمام زخمیوں کی حالت خطرے سے باہر ہے،زخمیوں میں خواتین اساتذہ بھی شامل ہیں۔
دوسری جانب واقعہ کی اطلاع ملنے پرکمشنرڈی جی خان اشفاق احمد چوہدری اور ارپی او اظہر اکرم سمیت دیگر اعلی افسران اہسپتال پہنچ گئے،جہاں انھوں نے زخمی بچوں کی عیادت کی اور علاج معالجہ کی سہولیات کی فراہمی کا جائزہ لیا،واقعے پر وزیر اعلی پنجاب مریم نواز نے افسوس کا اظہار کیا ہے۔
About The Author
