آئی ایس پی آر کے ولولہ انگیز ملی نغمہ ’اللہ اکبر، تیار ہیں ہم‘ کی بھرپور پذیرائی

گزشتہ سال معرکہ حق کے موقع پر ریلیز کئے گئے آئی ایس پی آر کے ملی نغمہ نے عوام کے دل جیت لئے۔

آئی ایس پی آر کے شاندار نغمہ میں لہو گرما دینے والے اشعار اور سحر انگیز آواز نے سماں باندھ دیا، معرکہ حق کے موقع پر ولولہ انگیز ملی نغمہ نے عوام میں حب الوطنی کا جذبہ مزید بڑھا دیا، نغمہ کے جوشیلے بول ’’غالب ہیں خدا کا وار ہیں ہم‘‘ نے فوج اور عوام کا جذبۂ ایمان تازہ کر دیا۔

ملی نغمہ میں بھارت کو دوٹوک پیغام دیا گیا کہ بھارت نہیں جانتا کہ اس نے کس باہمت قوم کو للکارا ہے

پاک فوج بھارت کی ہر قسم کی اشتعال انگیزی پر جوابی وار کیلیے ہمہ وقت تیار ہے، مربوط حکمت عملی، جدید ہتھیار اور سخت ترین تربیت نے افواجِ پاکستان کو مکار دشمن پر یقینی برتری دلائی۔

ملی نغمہ میں پاک فوج کی پیشہ ورانہ صلاحیت، قومی عزم اور دفاعِ وطن کے جذبے کی بھرپور عکاسی کی گئی۔