مشرق وسطیٰ میں مستقل امن کیلئے جاری کوششوں کے سلسلے میںپاکستان کے وزیر داخلہ محسن نقوی نے تہران میں ایرانی وزیر خارجہ عباس عراقچی سے ایک اور ملاقات کی۔
ایرانی میڈیا کے مطابق ملاقات میں دونوں رہنماؤں نے جنگ کے خاتمے کیلئے تازہ ترین مسودے پر بات چیت کی۔ امریکا اور ایران کے درمیان اختلافات کا باعث بننے والے نکات پر تفصیلی گفتگو ہوئی۔ محسن نقوی امریکا ایران معاہدے کی راہ ہموار کرنے کیلئے کئی دنوں سے تہران میں موجود ہیں۔
واضح رہے کہ پاکستانی ثالثی میں ایران اور امریکا کے بالواسطہ مذاکرات جاری ہے۔ عرب میڈیا کے مطابق ایران اور امریکا ممکنہ جنگ بندی معاہدے کے قریب پہنچ گئے۔
رپورٹ کے مطابق معاہدے کیلئے دونوں ممالک مجوزہ دستاویزات کا کا تبادلہ کررہے ہیں، ایرانی عہدیدار کے مطابق ڈرافٹ پر کام جاری،معاہدے کے بہت قریب ہیں۔ بعض اہم نکات پر پیشرفت ہوئی، چند معاملات اب بھی زیربحث ہیں۔
دوسری جانب رائیٹرز سے گفتگو میں ایرانی حکام نے بتایا کہ ابھی تک کوئی معاہدہ طے نہیں پا سکا تاہم ایران اور امریکا کے درمیان اختلافات کم ہو گئے ہیں۔ ایران کا یورینیم افزودگی پروگرام، آبنائے ہرمز پر کنٹرول اب بھی اہم رکاوٹیں ہیں۔
About The Author
