Tulsi Gabbard نے امریکی نیشنل انٹیلی جنس ڈائریکٹر کے عہدے سے استعفیٰ دے دیا ہے۔
امریکی میڈیا رپورٹس کے مطابق 45 سالہ تلسی گبارڈ نے اپنے استعفے کی وجہ اپنے شوہر کو لاحق ایک نایاب ہڈیوں کے کینسر کی تشخیص کو قرار دیا ہے۔
رپورٹس میں بتایا گیا ہے کہ تلسی گبارڈ نے جمعے کے روز Donald Trump سے اوول آفس میں ملاقات کے دوران اپنے فیصلے سے آگاہ کیا۔
برطانوی خبر ایجنسی کے مطابق اس معاملے سے واقف ایک ذریعے نے دعویٰ کیا ہے کہ وائٹ ہاؤس کی جانب سے تلسی گبارڈ پر استعفیٰ دینے کے لیے دباؤ بھی موجود تھا، تاہم اس حوالے سے سرکاری سطح پر کوئی باضابطہ وضاحت سامنے نہیں آئی۔
صدر ڈونلڈ ٹرمپ نے تصدیق کی ہے کہ تلسی گبارڈ 30 جون کو اپنا عہدہ چھوڑ دیں گی جبکہ ڈپٹی ڈائریکٹر نیشنل انٹیلی جنس Aaron Lucas عبوری طور پر ذمہ داریاں سنبھالیں گے۔
واضح رہے کہ تلسی گبارڈ نے گزشتہ سال فروری میں امریکی نیشنل انٹیلی جنس ڈائریکٹر کے طور پر حلف اٹھایا تھا اور ان کی تقرری امریکی سیاست میں ایک اہم پیشرفت سمجھی گئی تھی۔
تلسی گبارڈ ماضی میں امریکی کانگریس کی رکن بھی رہ چکی ہیں اور خارجہ پالیسی، مشرق وسطیٰ اور قومی سلامتی کے معاملات پر اپنے منفرد مؤقف کے باعث بین الاقوامی سطح پر توجہ حاصل کرتی رہی ہیں۔
About The Author
