بھارت میں نوجوانوں کی جانب سے قائم کی گئی “کاکروچ جنتا پارٹی” نے دعویٰ کیا ہے کہ اس کے تمام سوشل میڈیا اکاؤنٹس بند یا ہیک کر دیے گئے ہیں۔
پارٹی کے بانی ابھیجیت دپکے کے مطابق تنظیم کی آن لائن مہم کو چند ہی دنوں میں کروڑوں افراد نے فالو کیا جبکہ ہزاروں نوجوان اس تحریک میں شامل ہوئے۔
ابھیجیت دپکے نے کہا کہ ہیکنگ اور اکاؤنٹس کی بندش کے باعث تنظیم اپنی تمام سوشل میڈیا سرگرمیوں تک رسائی کھو چکی ہے۔ ان کے مطابق ان کا ذاتی انسٹاگرام اکاؤنٹ بھی ہیک کیا گیا۔
بھارتی جریدے Deccan Chronicle کے مطابق اس تنظیم نے تعلیمی نظام میں مبینہ ناکامیوں اور پیپر لیکس کے خلاف مہم شروع کی تھی، جس میں بھارتی وزیرِ تعلیم دھرمیندر پردھان کے استعفے کا مطالبہ بھی شامل تھا۔
ابھیجیت دپکے نے مزید دعویٰ کیا کہ اس مہم کے بعد انہیں جان سے مارنے کی دھمکیاں موصول ہو رہی ہیں۔
دوسری جانب بھارتی حکومت یا متعلقہ حکام کی جانب سے ان دعوؤں پر فوری طور پر کوئی باضابطہ ردعمل سامنے نہیں آیا۔
About The Author
