ترجمان ایرانی دتفر خارجہ اسماعیل بقائی نے کہا ہے کہ پاکستان کی جانب سے کسی وفد کو بھیجنے کے حوالے سے فی الحال کوئی منصوبہ زیرِ غور نہیں۔
ایرانی وزارتِ خارجہ کے ترجمان نے اپنے بیان میں واضح کیا کہ ایران اس وقت جوہری پروگرام پر نہیں بلکہ جنگ کے خاتمے کے لیے مذاکرات کر رہا ہے۔
انہوں نے کہا کہ مذاکرات میں ایک فریم ورک تک رسائی حاصل ہو چکی ہے، تاہم یہ کہنا قبل از وقت ہوگا کہ ایران اور امریکا کے درمیان معاہدہ بالکل قریب ہے۔
اسماعیل بقائی کے مطابق ممکنہ مفاہمتی یادداشت (MOU) میں آبنائے ہرمز کے انتظام سے متعلق کوئی مخصوص تفصیلات شامل نہیں ہیں۔ انہوں نے زور دیا کہ آبنائے ہرمز کا انتظام ساحلی ممالک کا حق ہے اور ایران اس راستے پر کسی قسم کا ٹول ٹیکس عائد نہیں کرے گا۔
انہوں نے مزید کہا کہ اسرائیلی اور امریکی کارروائیوں سے قبل آبنائے ہرمز مکمل طور پر کھلی ہوئی تھی۔
ایرانی ترجمان کے مطابق لبنان سمیت تمام محاذوں پر جنگ بندی اور کشیدگی کا خاتمہ ممکنہ معاہدے کا حصہ ہوگا۔
About The Author
