پاکستان کے فیلڈ مارشل جنرل عاصم منیر اعلیٰ سطحی سفارتی و عسکری مشاورت کے لیے چینی دارالحکومت بیجنگ پہنچ گئے ہیں، جہاں وہ وزیراعظم شہباز شریف کی قیادت میں پہلے سے موجود پاکستانی وفد میں شامل ہوں گے۔
سرکاری اور سفارتی ذرائع کے مطابق یہ دورہ ایسے وقت میں ہو رہا ہے جب پاکستان خطے میں جاری ایران–امریکہ کشیدگی میں ثالثی کے کردار کو مزید مؤثر بنانے کی کوشش کر رہا ہے۔ چین نے بھی پاکستان کے ساتھ مل کر مشرق وسطیٰ میں امن و استحکام کی بحالی کے لیے مثبت کردار ادا کرنے کے عزم کا اعادہ کیا ہے۔
ذرائع کے مطابق وزیراعظم شہباز شریف اس وقت چین کے چار روزہ سرکاری دورے پر ہیں، جہاں وہ اعلیٰ چینی قیادت سے اقتصادی، اسٹریٹجک اور علاقائی امور پر بات چیت کر رہے ہیں۔ جنرل عاصم منیر بھی اس وفد کا حصہ بن کر اہم ملاقاتوں میں شریک ہوں گے۔
About The Author
