یورپی یونین نے افغانستان سے دہشتگردی کیخلاف پاکستان کے حقِ دفاع کی حمایت کردی۔
اسلام آباد میں پاک یورپی یونین اسٹریٹجک ڈائیلاگ کے 8ویں دور موقع پر میڈیا سے گفتگو میں یورپی یونین کی خارجہ امور اور سلامتی پالیسی کی اعلیٰ نمائندہ کایا کالس افغانستان سے دہشتگردی کیخلاف پاکستان کودفاع کاحق حاصل ہے۔
سربراہ یورپی یونین خارجہ پالیسی کایا کالاس نے امریکا ایران تنازع میں ثالثی پر پاکستان کے کردار کو سراہا۔ بولیں پاکستان خطے کی بڑی طاقت اوریورپی یونین کا شرکت دار ہے۔ ترجیحی اہداف یکساں ہیں۔
یورپی یونین کی نمائندہ کایا کالاس کا کہنا تھا جی ایس پی پلس کے تحت پاکستان سے انسانی حقوق اور مزدوروں کے تحفظ میں عملی پیش رفت چاہتے ہیں۔ تجارت سے آگے بڑھ کرہم ماحولیاتی تبدیلی ، ڈیجیٹل انفراسٹرکچر ، صاف توانائی ، ہجرت اور نقل و حرکت میں تعاون بڑھارہے ہیں۔
اس موقع پر نائب وزیراعظم اسحاق ڈار نے دوطرفہ تعلقات کو مزید مضبوط بنانے کے عزم کااظہار کیا۔ کہا تجارت اور دیگر شعبوں میں تعاون کے وسیع مواقع ہیں۔ اسٹریٹجک وژن طویل مدتی شراکت داری کونئی سمت دے سکتا ہے۔
اسحاق ڈار نے کہا یورپی یونین پاکستان کے بڑے تجارتی شراکت داروں میں شامل ہے ۔ ہماری باہمی تجارت کا حجم تقریباً 12 ارب یورو سالانہ ہے۔ آج ہماری گفتگو کا محور تجارت اور سرمایہ کاری کو مزید فروغ دینا رہا ۔ سیکیورٹی اور دہشت گردی سے متعلق امور پر بھی تبادلہ خیال کیا ۔ افغان سرزمین سے فتنہ الخوارج اور فتنہ الہندوستان کے پاکستان پر مسلسل حملے بڑا خطرہ ہیں۔
ترجمان دفترخارجہ کے مطابق نائب وزیراعظم اسحاق ڈار سے یورپی یونین کی اعلیٰ نمائندہ خارجہ یا کالاس کی ملاقات میں علاقائی اور عالمی پیش رفت پر بھی تبادلہ خیال کیا گیا۔ ملاقات 8 ویں پاکستان یورپی یونین اسٹریٹجک ڈائیلاگ سے قبل ہوئی۔
About The Author
