امریکی صدر ڈونلڈ ٹرمپ نے کہا ہے کہ ڈیموکریٹس ان کے لیے مزید کامیابیاں حاصل کرنے کے بجائے ملک کو ناکامی کی طرف دھکیل رہے ہیں۔
اپنے بیان میں امریکی صدر نے کہا کہ گزشتہ روز کانگریس میں ان کی جنگی طاقتوں کو محدود کرنے کے لیے “بے معنی ووٹنگ” کی گئی، جو ان کے بقول سیاسی طور پر انتہائی نامناسب اقدام تھا۔
ٹرمپ نے کہا کہ اس ووٹنگ میں چار ری پبلکن ارکان نے بھی ڈیموکریٹس کے ساتھ مل کر ان کے اختیارات کم کرنے کے حق میں ووٹ دیا، جس پر انہیں شرم آنی چاہیے۔ ان کا کہنا تھا کہ یہ اقدام ایسے وقت میں کیا گیا جب ایران کے ساتھ جنگ کے خاتمے کے حوالے سے ان کے حتمی مذاکرات جاری ہیں۔
انہوں نے سوال اٹھایا کہ “اپنے ہی ملک کے خلاف اس طرح کی کارروائی کون کرتا ہے؟” اور دعویٰ کیا کہ مخالفین کو مذاکرات کی پیش رفت کا علم ہونے کے باوجود یہ اقدام کیا گیا۔
امریکی صدر کا مزید کہنا تھا کہ ڈیموکریٹس انہیں کامیابیوں سے روکنے کے بجائے ملک کو نقصان پہنچا رہے ہیں۔
خیال رہے کہ امریکی ایوانِ نمائندگان نے صدر ٹرمپ کے جنگی اختیارات محدود کرنے کی قرارداد منظور کی ہے، جس کے حق میں 215 اور مخالفت میں 208 ووٹ آئے۔ قرارداد کے مطابق ایران کے خلاف کسی بھی کارروائی کے لیے کانگریس کی منظوری لازمی قرار دی گئی ہے۔
About The Author
