امریکہ نے کویت کو جدید انسدادِ ڈرون نظام اور متعلقہ آلات کی ممکنہ فروخت کی منظوری دے دی ہے، جس کی مالیت تقریباً 1.98 ارب ڈالر بتائی گئی ہے۔
رائٹرز کے مطابق امریکی محکمہ خارجہ نے اس معاہدے کی منظوری دیتے ہوئے کہا ہے کہ اس فروخت کا مقصد کویت کی فضائی دفاعی صلاحیتوں کو مزید مضبوط بنانا ہے تاکہ وہ بغیر پائلٹ فضائی خطرات سے بہتر طور پر نمٹ سکے۔
بیان میں مزید کہا گیا ہے کہ اس ممکنہ دفاعی معاہدے کا اصل ٹھیکیدار امریکی دفاعی ٹیکنالوجی کمپنی اینڈوریل (Anduril) ہوگی، جو جدید خودکار اور مصنوعی ذہانت پر مبنی دفاعی نظام تیار کرنے کے لیے جانی جاتی ہے۔
امریکی حکام کے مطابق یہ معاہدہ خطے میں سیکیورٹی تعاون اور اتحادی ممالک کی دفاعی استعداد بڑھانے کی پالیسی کا حصہ ہے، تاہم حتمی معاہدہ اور ترسیل کویت کی منظوری کے بعد مکمل ہوں گے۔
About The Author
