اسلام آباد میں کل سے شروع ہونے والے شنگھائی تعاون تنظیم کے سربراہ اجلاس میں شرکت کرنے والے وفود کے ناموں کا اعلان کر دیا گیا ہے،،، وزارت خارجہ کے مطابق چین کے وزیراعظم لی چیانگ اجلاس میں شرکت کے لئے پاکستان پہنچ گئے،، وہ چین کی نمائندگی کریں گے،،
بھارت کی نمائندگی وزیر خارجہ جے شنکر کریں گے،، ایرانی وفد اول نائب صدر محمد رضا عارف کی قیادت میں اسلام آباد پہنچ چکا ہے،،
بیلاروس کے وزیراعظم رومان گولوف چینکو بھی اعلیٰ سطح کے وفد کے ساتھ اسلام آباد میں موجود ہیں،، قازقستان کے وزیراعظم اولڑاس بیک تینوف اور کرغیزستان کے چیئرمین کیبنٹ آف منسٹرز ژاپاروف اپنے اپنے ملک کی نمائندگی کر رہے ہیں،،
تاجکستان کے وزیراعظم کوہر رسول زادہ، ازبکستان کے وزیراعظم عبداللہ اریپوف بھی اسلام آباد پہنچ گئے ہیں،، ترکمانستان کے ڈپٹی چیئرمین آف کیبنٹ منسٹرز راشد میریدوف پاکستان پہنچ گئے،،
وزارت خارجہ کا بتانا ہے کہ ایس سی او کے سیکرٹری جنرل جانگ منگ ،ایس سی او ڈائریکٹر ایگزیکٹو کمیٹی ارسلان مرزائیوف، ایس سی او بزنس کونسل کے چیئرمین بورڈ عاطف اکرام شیخ بھی اجلاس میں شرکت کریں گے جب کہ ایس سی او انٹر بینک یونین کے چیئرمین کونسل ماروت ییلی بائیف بھی اجلاس میں شریک ہونگے۔
