خیبرپختونخوا پولیس کی ٹیم نے انٹر صوبائی پولیس ہاکی ٹورنامنٹ اپنے نام کرلیا۔ فائنل میں خیبرپختونخوا نے سندھ پولیس کو 2-1 سے شکست دی۔ فائنل کے ایچ اے ہاکی گراؤنڈ میں کھیلا گیا۔ دونوں ٹیموں نے میچ میں بھرپور مقابلہ کیا۔
خیبرپختونخوا کی ٹیم نے مقررہ وقت میں دو گول کیے۔ سندھ پولیس کی ٹیم صرف ایک گول کرسکی۔ میچ کے دوران دونوں ٹیموں نے مسلسل حملے کیے۔کھلاڑیوں نے ایک دوسرے کے گول پوسٹ پر کئی خطرناک حملے کیے۔ تاہم خیبرپختونخوا نے بہتر کارکردگی دکھاتے ہوئے کامیابی حاصل کی۔
آئی جی سندھ جاوید عالم اوڈھو فائنل کے مہمان خصوصی تھے۔ انہوں نے میچ میں شرکت کرکے کھلاڑیوں کی حوصلہ افزائی کی۔ سندھ پولیس اسپورٹس بورڈ کے چیئرمین پیر محمد شاہ بھی موجود تھے۔ فائنل کے موقع پر پولیس افسران اور کھیلوں سے وابستہ افراد نے بھی شرکت کی۔ خیبرپختونخوا کی کامیابی کے ساتھ انٹر صوبائی پولیس ہاکی ٹورنامنٹ اختتام پذیر ہوگیا۔
About The Author
