ویانا: ری پبلکن امیدوار ڈونلڈ ٹرمپ کے دوبارہ امریکا کا صدر منتخب ہونے پر یورپی سٹاک مارکیٹ میں شدید مندی رہی ۔
میڈیا رپورٹس کے مطابق یورپی حصص میں کمی ٹرمپ کے غیر ملکی درآمدات پر اعلیٰ محصولات عائد کرنے اور مہنگے آف شور ونڈ پروجیکٹس کو روکنے کے خدشات کے درمیان سامنے آئی ہے۔
قابل تجدید توانائی فرموں Oersted اور Vestas کے حصص میں 12.8 فیصد کی کمی واقع ہوئی جبکہ وسیع تر یوٹیلیٹی سیکٹر میں 2.6 فیصد کی کمی ہوئی۔ یورپی اسٹاک انڈیکس 0.5 فیصد نیچے تھا۔ تمام علاقائی ایکویٹی مارکیٹس مندی میں بند ہوئیں۔ مرسڈیز بینز گروپ اور بی ایم ڈبلیو جیسی جرمن کار ساز کمپنیوں کو تقریباً 6.5 فیصد کا نقصان ہوا جب کہ وسیع تر کار سازی کے شعبے میں 2.3 فیصد کمی ہوئی۔
