وزیراعظم شہباز شریف سعودی عرب کے دو روزہ دورے کے بعد آذربائیجان گئے جہاں انہوں نے موسمیاتی تبدیلیوں کی عالمی کانفرنس COP 29 میں شرکت کی،،
پانچ روزہ غیر ملکی دورہ مکمل کر کے وزیراعظم پاکستان واپس آنے کے لئے باکو سے روانہ ہو چکے ہیں،، ایئر پورٹ پر آذری وزیر انصاف فرید احمدوف نے شہباز شریف کو رخصت کیا۔۔
وزیرِ اعظم محمد شہباز شریف نے اپنے دورہءِ آذربائیجان کے دوران کاپ-29 کلائیمیٹ ایکشن سربراہی اجلاس میں شرکت کی اور کانفرنس میں شریک عالمی رہنماؤں کو ماحولیاتی تبدیلی کے مضر اثرات کے خطرے سے دوچار پاکستان کی مشکلات سے آگاہ کیا. وزیرِ اعظم نے تاریخی طور پر ماحولیاتی آلودگی کے ذمہ دار ممالک کی جانب سے ماحولیاتی عالمی معاشی وعدوں کی تکمیل پر زور دیا. وزیرِ اعظم نےپاکستان کی جانب سے منعقدہ کلائیمیٹ فنانس گول میز کانفرنس کی میزبانی کی اور ماحولیاتی تبدیلی کے حوالے سے عالمی معاشی وعدوں کی تکمیل پر زور دیا. وزیر اعظم نے تاجکستان کی جانب سے گلیئشیرز کے تحفظ کے حوالے سے منعقدہ اعلی سطح تقریب میں شرکت کی اور گلیشیئرز و آبی وسائل کے تحفظ کیلئے پاکستان کے اقدامات پر رشنی ڈالی. وزیرِ اعظم کی اس موقع پر ڈینمارک، چیک ریپبلک کے وزراءِ اعظم اور آذربائیجان کے صدر سے دوطرفہ ملاقاتیں ہوئیں. وزیرِ اعظم کی کاپ29 کے کلائیمیٹ ایکشن سربراہی اجلاس کے موقع پر برطانیہ کے وزیرِ اعظم، متحدہ عرب امارات، تاجکستان، ازبکستان، قزاقستان، نیپال کے صدور سے غیر رسمی ملاقاتیں بھی ہوئیں.
