خیبرپختونخوا کے ضلع بنوں میں سیکیورٹی فورسز کی چیک پوسٹ پر دہشت گردوں کا حملہ،، پاک فوج کے 12 جوان شہید ہو گئے،، 6 دہشت گرد بھی ہلاک
پاک فوج کے شعبہ تعلقات عامہ (آئی ایس پی آر) کی جانب سے جاری بیان میں بتایا گیا کہ ضلع بنوں کے علاقے مالی خیل میں خوارج نے سیکیورٹی فورسز کی چیک پوسٹ پر حملے کی کوشش کی، دہشت گردوں کی چیک پوسٹ میں داخل ہونے کی کوشش کو فورسز نے ناکام بنا دیا، اس دوران فائرنگ کے تبادلے میں 12 جوان شہید ہوگئے۔
آئی ایس پی آر نے بتایا کہ خوارج نے ناکامی پر بارود سے بھری گاڑی چیک پوسٹ کی دیوار سے ٹکرا دی، خودکش دھماکے کے نتیجے میں دیوار کا ایک حصہ گر گیا، عمارت کو نقصان پہنچا۔
ترجمان پاک فوج کے مطابق شہدا میں فوج کے 10 سپاہی اور فرنٹیئر کانسٹیبلری (ایف سی) کے 2 سپاہی شامل ہیں۔
