انڈین پریمئر لیگ 2025 آئندہ سال مارچ سے مئی تک کھیلا جائے گا،، سعودی عرب کے شہر جدہ میں انڈین پریمئر لیگ کی فرنچائزز نے اپنے من پسند کھلاڑیوں کی بولی لگائی،،
سب سے مہنگی بولی بھارتی کرکٹر رشبھ پنت کی لگی،، لکھنؤ سپر جائنٹس نے رشبھ پنت کو 27 کروڑ بھارتی روپے میں خرید لیا،، انڈین پریمئر لیگ کی تاریخ کی یہ سب سے بڑی بولی تھی،،
دوسرے نمبر پر بھارتی کرکٹر شریاس ایئر رہے،، انہیں 26 کروڑ 75 لاکھ بھارتی روپے میں پنجاب کنگز نے خرید لیا،،
اس ٹورنامنٹ کے لیے 10 فرنچائزز نے دنیا کے بہترین کھلاڑی اپنی ٹیم میں شامل کرنے کے لیے کروڑوں روپے خرچ کر دیے۔ آئی پی ایل 2025 کے تیسرے مہنگے ترین کھلاڑی بھارتی کرکٹر ونکٹیش ائیر رہے جنہیں کولکتہ نائٹ رائیڈرز نے 23 کروڑ 75 لاکھ بھارتی روپے میں اپنی ٹیم میں شامل کیا جبکہ بھارتی فاسٹ بولر ارشدیپ سنگھ اور اسپنر چہل کو 18، 18 کروڑ بھارتی روپے میں پنجاب کنگز نے خریدا۔
فرنچائزز نے جہاں کھلاڑیوں پر کروڑوں روپے خرچ کیے وہیں دنیائے کرکٹ کے کچھ ایسے بڑے نام بھی ہیں جنہیں آئی پی ایل 2025 کے لیے کسی ٹیم نے نہیں خریدا۔
وہ کھلاڑی جو نہ بِک سکے
آسٹریلیا کے ڈیوڈ وارنر، اسٹیو اسمتھ، نیوزی لینڈ کے کین ولیمسن، جنوبی افریقا کے فف ڈوپلیسی، اففانستان کے مجیب الرحمان، بنگلادیش کے مستفیض الرحمان، نیوزی لینڈ کے ڈیرل مچل اور گلین فلپس کو کسی ٹیم نے نہیں خریدا۔
اس کے علاوہ بھارت کے اجنکیا راہانے، پرتھوی شاہ، ویسٹ انڈیز کے شائے ہوپ، آسٹریلیا کے وکٹ کیپر ایلکس کیری، انگلینڈ کے تجربہ کار اسپنر عادل رشید، معین علی ، جونی بیئر اسٹو، زمبابوے کے سکند رضا کو بھی کسی فرنچائز نے خریدنے میں دلچسپی نہیں دکھائی۔
