پاکستان ہائی کمیشن نے 23 مارچ 1940 کی قراردادِ لاہور کو خراجِ تحسین پیش کرتے ہوئے پاکستان کے قومی دن کے موقع پر ایک شاندار استقبالیہ کا اہتمام کیا۔
شرکاء میں مختلف ممالک کے سفارت کار، سیاسی رہنما، کاروباری شخصیات، میڈیا نمائندے اور سول سوسائٹی کے افراد بڑی تعداد میں شریک ہوئے۔پاکستانی نمائندے سعد احمد وڑائچ نے مہمانوں کا استقبال کیا اور قرارداد لاہور کی تاریخی اہمیت پر روشنی ڈالی اس دوران پاکستانی مناظر، آرٹ ورک، اور روایتی کھانوں کی دلکش نمائش کی گئی
پاکستانی نمائندے سعد احمد وڑائچ نے پاکستان کی خارجہ پالیسی کے اصولوں پر زور دیا، جن میں عالمی امن، خودمختار مساوات اور بین الاقوامی تعاون شامل ہیں۔پاکستان کی بھارت سمیت تمام ممالک کے ساتھ باہمی احترام اور پرامن تعلقات کی خواہش کا اعادہ کیا۔مسئلہ کشمیر کے حل کے لیے تعمیری مذاکرات اور سفارتی کوششوں پر زور دیا۔
تقریب نوروز کے تہوار سے ہم آہنگ رہی، جو تجدید اور امید کی علامت ہے، اور ایک پرامن و خوشحال جنوبی ایشیا کے عزم کو ظاہر کرتی ہے۔
About The Author
