عالمی برادری نے فلسطین کو تنہا چھوڑ دیا جس کے بعد نیتن یاہو کی بدمعاشی بڑھتی جا رہی ہے۔۔ فلسطین کے مغربی کنارے کے علاقے جنین میں یورپی وفد پر اسرائیل نے براہ راست فائرنگ کر دی۔
سفارتکاروں نے بھاگ پر اپنی جانیں بچائیں۔۔ حملے میں کسی سفارتکار کے زخمی ہونے کی کوئی اطلاع نہیں ملی۔۔
سفارتی وفد میں کئی یورپی ممالک کے ساتھ عرب ممالک کے نمائندے بھی شامل تھے۔
یورپی سفارتی وفد جنین کیمپ میں اسرائیلی فوجی آپریشن کی تباہ کاریوں کا جائزہ لینے آیا تھا اور صحافیوں کے ہمراہ جنین کا دورہ کر رہا تھا۔
دوسری جانب اسرائیلی فوج نے سفارت کاروں پر فائرنگ کے واقعے پر معافی مانگتے ہوئے کہا ہے کہ دورے کے دوران سفارت کار اسرائیلی فوج کے ساتھ پہلے سے طے شدہ راستے سے ہٹ رہے تھے۔
اسرائیلی فوج نے کہا کہ سفارتی وفد ایک ایسے علاقے میں داخل ہوا جہاں اسے داخلے کی اجازت نہیں تھی۔
