بیروت — لبنانی میڈیا کے مطابق، جنوبی لبنان میں رات گئے اسرائیلی فضائی حملوں کے نتیجے میں کم از کم ایک شامی شہری شہید اور چھ دیگر زخمی ہو گئے ہیں، جبکہ تقریباً 300 انجینئرنگ گاڑیاں مکمل طور پر تباہ ہو گئیں۔
لبنان کی قومی خبر رساں ایجنسی (NNA) کے مطابق، حملے ایک ایسے صنعتی علاقے میں کیے گئے جہاں بھاری مشینری، بلڈوزر، ایکسویٹرز اور دیگر تعمیراتی گاڑیاں پارک تھیں۔ رپورٹ میں بتایا گیا کہ حملے 10 گز سے زیادہ رقبے پر کیے گئے، جس میں 100 سے زائد چھوٹی “بوبکیٹ” یوٹیلیٹی گاڑیاں بھی تباہ ہوئیں۔
لبنانی حکام نے بتایا کہ حملے کے بعد علاقے میں شدید آگ بھڑک اٹھی، جسے قابو پانے کے لیے امدادی ٹیموں کو کئی گھنٹے لگے۔
اسرائیلی فوج (IDF) نے اپنے بیان میں تصدیق کی کہ اس نے جنوبی لبنان میں حزب اللہ کے انفراسٹرکچر سے منسلک مقامات کو نشانہ بنایا۔ فوج کے مطابق، ان مقامات پر بھاری مشینری جمع کی جا رہی تھی، جسے حزب اللہ مبینہ طور پر جنوبی لبنان میں اپنے بنیادی ڈھانچے کی تعمیر نو کے لیے استعمال کرنے کا ارادہ رکھتی تھی۔
حزب اللہ کی جانب سے تاحال اس واقعے پر کوئی ردعمل سامنے نہیں آیا۔
علاقے کے مقامی مکینوں کے مطابق، دھماکوں کی آوازیں میلوں دور تک سنائی دیں، اور متعدد قریبی دیہاتوں کے مکانات کے شیشے ٹوٹ گئے۔
About The Author
