دہلی — بھارت کے دارالحکومت دہلی میں تاریخی یادگار لال قلعہ کے قریب پیر کے روز ایک کار سلنڈر دھماکے میں کم از کم 15 افراد ہلاک اور 30 سے زائد زخمی ہو گئے۔
-
دھماکہ میٹرو اسٹیشن کے قریب اس وقت ہوا جب ایک "آہستہ چلنے والی” گاڑی شام 6:42 بجے (مقامی وقت) پر سرخ بتی کے قریب رکی۔
-
دھماکے کے اثر سے گاڑی میں سوار مسافر اور آس پاس کی گاڑیاں متاثر ہوئیں، کم از کم چھ گاڑیاں اور تین آٹورکشا آگ میں جل گئیں۔
-
زخمیوں کو فوری طور پر قریبی اسپتال منتقل کیا گیا، جہاں ڈاکٹر منیش کمار جھا نے بتایا کہ بہت سے افراد کی حالت نازک ہے اور وہ صحت یاب ہونے کے قابل نہیں ہیں۔
-
دہلی پولیس نے دھماکے کی وجہ جاننے کے لیے تفتیش شروع کر دی ہے اور سنففر کتے کے ذریعے جائے وقوعہ کی تلاشی لی جا رہی ہے۔ تاہم ذرائع کا کہناہے کہ دھماکہ کار میں نصب سلنڈر پھٹنے سے ہوا ہے
-
بھارتی وزیر داخلہ امیت شاہ نے ہدایت دی ہے کہ دھماکے کے آس پاس موجود سی سی ٹی وی کیمروں کی فوٹیج حاصل کی جائے۔
-
پولیس کمشنر ستیش گولچا نے کہا کہ تمام زاویوں سے تحقیقات کی جا رہی ہیں اور صورتحال کی مسلسل نگرانی کی جا رہی ہے۔
-
دھماکے کی جگہ سے آگ کے شعلے بلند ہوئے، جسے قریبی رہائشیوں نے دیکھا۔
-
لال قلعہ، 17ویں صدی کا مغل دور کا تاریخی قلعہ ہے، جو دہلی کے پرانے شہر میں واقع ہے اور سال بھر سیاحوں کی توجہ کا مرکز رہتا ہے۔
