نائب وزیراعظم و وزیر خارجہ اسحاق ڈار کا کہنا ہے سفارتکاری اسی کا نام ہےکہ امریکا اور چین دونوں سے پاکستان کے بہترین تعلقات ہیں۔
اسحاق ڈار نے کہا کہ خطے میں امن کے لیے ہم نے 5 نکاتی ایجنڈے پر اتفاق کیا ہے۔
اسحاق ڈار کا کہنا تھا چین نے ہماری پالیسی کی توثیق سب کے سامنے کی ہے، چین اور پاکستان کی دوستی ہمیشہ قائم رہنے والی ہے، ہمیں سب طاقتوں سے اچھے تعلقات رکھنے چاہئیں۔
نائب وزیراعظم اسحق ڈار آج واشنگٹن میں امریکی وزیر خارجہ مارکو روبیو سے بھی ملاقات کریں گے۔
اقوام متحدہ میں پاکستان کے مستقل مندوب عاصم افتخار کی جانب سے عرب اسلامی اور یورپی ممالک کے سفیروں کے اعزاز میں عشائیے کا اہتمام کیا گیا جس میں نائب وزیراعظم اور وزیر خارجہ اسحاق ڈار نے بطور مہمان خصوصی شرکت کی۔
ملاقات میں مشرق وسطیٰ خصوصا فلسطین کی صورتحال اور خطے میں جاری امن و استحکام کے لیے سفارتی کوششوں پر خاص طور پر بات چیت کی۔
وزیر خارجہ کی اقوام متحدہ کے سیکرٹری جنرل انٹونیو گوتیرس سے بھی ملاقات کی، سلامتی کونسل میں اصلاحات، مقبوضہ جموں و کشمیر ایشو، افغانستان اور فلسطین کی صورتحال پر بھی بات کی۔
اس موقع پر اقوام متحدہ کے سیکرٹری جنرل انٹونیو گوتیرس نے عالمی امن اور سلامتی کے لیے پاکستان کے فعال کردار کو سراہا۔
About The Author
