لاہور: اے بی ایس ڈویلپرز نیشنل ٹی 20 کپ 2025-26 کا فائنل آج قذافی اسٹیڈیم لاہور میں کھیلا جائے گا، جہاں ایبٹ آباد اور کراچی وائٹس کی ٹیمیں ٹائٹل کے حصول کے لیے مدِمقابل ہوں گی۔
فائنل سے قبل دونوں ٹیموں نے قذافی اسٹیڈیم میں بھرپور ٹریننگ سیشن میں حصہ لیا اور بیٹنگ، باؤلنگ و فیلڈنگ کی مشقوں کے ذریعے اپنی تیاریوں کو حتمی شکل دی۔
ایبٹ آباد ٹیم کی قیادت Shadab Khan کریں گے، جبکہ کراچی وائٹس کے کپتان Saud Shakeel ہوں گے۔ میچ اتوار کی شب آٹھ بجے شروع ہوگا۔
فائنل میں پاکستان کرکٹ کے کئی نمایاں کھلاڑی ایکشن میں نظر آئیں گے، جن میں Shan Masood، Abrar Ahmed، Kamran Ghulam اور Wasim Junior شامل ہیں۔
دونوں ٹیموں نے پورے ٹورنامنٹ میں شاندار کارکردگی کا مظاہرہ کرتے ہوئے فائنل تک رسائی حاصل کی ہے اور اب نظریں قومی سطح کے اس اہم ٹی 20 ٹائٹل پر مرکوز ہیں۔
About The Author
