افغان عبوری حکومت کے وزیرِ زراعت مولوی عطا اللہ عمری نے بھارت کے دورے کے دوران ایک متنازع بیان دیتے ہوئے کہا ہے کہ افغانستان اور بھارت کا "ڈی این اے ایک” ہے۔
نئی دہلی میں خطاب کرتے ہوئے مولوی عطا اللہ عمری نے کہا کہ بھارت پہنچ کر انہیں ہرگز یہ احساس نہیں ہوا کہ وہ کسی غیر ملک میں آئے ہیں، بلکہ انہیں ایسا محسوس ہوا جیسے وہ اپنے ہی وطن میں موجود ہوں۔
انہوں نے مزید کہا کہ افغانستان اور بھارت کے درمیان تاریخی، ثقافتی اور عوامی روابط مضبوط ہیں اور اسی تناظر میں انہوں نے دعویٰ کیا کہ دونوں ممالک کا "ڈی این اے ایک ہی ہے”۔
افغان وزیر کے اس بیان پر مختلف حلقوں میں تبصرے اور ردعمل سامنے آ رہے ہیں، جبکہ اس حوالے سے افغان عبوری حکومت یا بھارتی حکام کی جانب سے مزید کوئی باضابطہ وضاحت جاری نہیں کی گئی۔
About The Author
