وزیراعظم شہبازشریف نے متعلقہ حکام کو ہدایت کردی کہ پیٹرولیم مصنوعات کی مصنوعی قلت پیدا کرنے والوں کیخلاف کارروائی کی جائے۔
وزیراعظم کی زیرصدارت خطے میں کشیدگی کے ملکی معیشت پراثرات کے جائزہ اجلاس میں سادگی و کفایت شعاری کے اقدامات پر رپورٹ پیش کردی گئی۔ شہبازشریف نےخطےکی غیریقینی صورتحال کےباعث ہرممکنہ چیلنج سے نمٹنے کیلئے مکمل تیاری کی ہدایت کردی۔
وزیراعظم نے کہا کہ خطے کی صورتحال میں غیریقینی کی صورتحال ہے، ہر ممکنہ چیلنج سے نمٹنےکیلئےمکمل تیاری رکھیں، گزشتہ سادگی و کفایت شعاری مہم میں عوام نے بھرپور کردار ادا کیا، وزیراعظم نے پٹرولیم مصنوعات، توانائی بچت قومی مہم میں عوام کے بھرپور تعاون کو سراہا۔
شہباز شریف کا کہنا تھا کہ اللہ کے فضل و کرم سے ملکی معیشت مستحکم ہے، خطے میں کشیدگی بڑھنے سے معیشت کے مستقبل میں متاثر ہونے کا اندیشہ ہے، ضرورت پڑنے پر بروقت اقدامات کیلئے جامع لائحہ عمل مرتب کیا جائے۔
وزیراعظم نے کہا کہ پیٹرولیم کی مصنوعی قلت پیدا کرنے والوں کیخلاف کارروائی کی جائے، دوران بریفنگ وزیراعظم کو بتایا گیا کہ ملکی ضروریات کے مطابق پیٹرولیم مصنوعات کے وافر ذخائر موجود ہیں ، مستقبل کیلئے پیٹرولیم مصنوعات کی فراہمی کو یقینی بنا لیا گیا۔
شہباز شریف نے کہا کہ بروقت،موثرحکومتی حکمتِ عملی سےایندھن فراہمی صورتحال کا بہترین اندازمیں انتظام کیا گیا، حکومت نےعام آدمی، موٹر سائیکل سواروں، رکشہ ڈرائیوروں،ٹرانسپورٹرز کو تحفظ فراہم کیا، حکومتی سبسڈی کے نتیجے میں ایندھن قیمتوں کےاضافے کےاثرات کو موثراندازمیں کنٹرول گیا
About The Author
