ریلوے حکام کے مطابق حادثے کے نتیجے میں اپ ریلوے ٹریک ایک کلومیٹر سے زائد حصے تک شدید متاثر ہو کر اکھڑ گیا، جبکہ ڈاؤن ٹریک کا بھی بڑا حصہ نقصان کا شکار ہوا ہے، جس کے باعث دونوں جانب ریلوے ٹریفک معطل ہے۔
انتظامیہ کے مطابق بحالی کا کام دو مرحلوں میں جاری ہے، پہلے مرحلے میں ڈی ریل ہونے والی مال بردار ٹرین کی بوگیوں کو ٹریک سے ہٹایا جا رہا ہے، جبکہ دوسرے مرحلے میں متاثرہ ریلوے ٹریک کی مرمت اور بحالی کا عمل شروع کیا جائے گا۔
ریلوے انتظامیہ کا کہنا ہے کہ تمام دستیاب وسائل بروئے کار لاتے ہوئے بحالی کے کام کو تیزی سے مکمل کرنے کی کوشش کی جا رہی ہے، تاکہ ڈاؤن ٹریک کو آج شام تک بحال کر کے ریلوے ٹریفک جزوی طور پر بحال کیا جا سکے۔
About The Author
