ویمنز ایشیا کپ ٹی ٹوئنٹی کی ٹرافی کی دبئی میں رونمائی کردی گئی۔ تقریب میں ایونٹ میں شریک تمام ٹیموں کی کپتانوں نے شرکت کی۔ اس بار ویمنز ایشیا کپ میں 8 ٹیمیں حصہ لے رہی ہیں۔ ان میں پاکستان، بھارت، بنگلادیش، سری لنکا، تھائی لینڈ، انڈونیشیا، ہانگ کانگ اور میزبان متحدہ عرب امارات شامل ہیں۔
ویمنز ایشیا کپ کے تمام 15 میچز دبئی انٹرنیشنل اسٹیڈیم میں کھیلے جائیں گے۔ ٹورنامنٹ کا آغاز کل تھائی لینڈ اور ہانگ کانگ کے درمیان میچ سے ہوگا۔ ٹیمیں گروپ مرحلے میں اہم مقابلوں کے ذریعے سیمی فائنل میں جگہ بنانے کی کوشش کریں گی۔
پاکستان ویمن ٹیم ایونٹ میں اپنا پہلا میچ یکم ستمبر کو تھائی لینڈ کے خلاف کھیلے گی۔ روایتی حریف پاکستان اور بھارت کی ٹیمیں 5 ستمبر کو دبئی میں آمنے سامنے ہوں گی۔ یہ میچ شائقین کی خاص توجہ کا مرکز ہوگا۔ ویمنز ایشیا کپ کا پہلا سیمی فائنل 10 ستمبر کو کھیلا جائے گا۔ دوسرا سیمی فائنل 11 ستمبر کو ہوگا۔
About The Author
